विश्वहिन्दु महासंघले माग्यो राजाबिनाको हिन्दुराज्य
विश्वहिन्दु महासंघले माग्यो राजाबिनाको
काठमाडौं, २९ पुस । विश्वहिन्दु महासंघले तत्काल राजाबिनाको हिन्दुराज्य स्थापित गर्न सरकारसँग माग गरेको छ । महासंघले दलहरुको स्वार्थका लागि कायम गरिएको धर्मनिरपेक्ष राष्ट्रमा मुलुक धार्मिक युद्धमा जान लागेको भन्दै सबै धर्माबलम्वीहरु, भाषा–भाषी, जातजातिको साझा थलोको लागि पनि हिन्दूराज्य कायम हुनै पर्ने माग राखेको हो ।महासंघले नेपाल र नेपालीहरुको पहिचान, नेपालमा स्थापित सबै भाषा, धर्म, संस्कृति र संस्कारलाई जिवन्त राख्न सर्वधर्म स्वतन्त्र हिन्दूराज्य कायम गर्न देशव्यापी अभियान सञ्चालन गर्ने, गो वध र गो वंशको हत्यामा पूर्ण प्रतिवन्धका लागि सरकारसँग विद्यमान कानुनको पूर्ण पालना गर्न गराउन माग गर्ने, धर्म संस्कृतिको जगेर्ना गर्न संविधानसभामा प्रतिनिधित्व गर्ने २६ जनामा ४ जना धार्मिक क्षेत्रका प्रवुद्ध व्यक्तिलाई मनोनित गर्ने जस्ता सरकारसँग पाँच सूत्रीय माग अघि सारेको छ ।
पत्रकार सम्मेलनमा महासंघका अध्यक्ष रामचन्द्र अधिकारीले धर्म निरपेक्षता अन्त्य गरी हिन्दूराज्य स्थापना गर्ने, गौरक्षा गर्दै धर्म परिवर्तनलाई तत्काल बन्द नगरे देशव्यापी आन्दोलन गर्ने चेतावनी दिए । उपाध्यक्ष शंकरदत्त वडुले भने– दलहरुको व्यक्तिगत स्वार्थले ल्याएको धर्मनिरपेक्ष राष्ट्रलाई आगामी संविधानमा धर्मसापेक्ष राष्ट्र नबनाए धार्मिक युद्धलाई कसैले रोक्न सक्दैन, दलका नेताहरुले बुभ्mनु जरुरी छ । केन्द्रीय सदस्य श्रीमती यमनादेवी श्रेष्ठले आगान्तुक धर्मको चालवाजीलाई बेलैमा बुझेर आप्mनो धर्म, संस्कृति र संस्कारको जगेर्नामा ८३ प्रतिशत हिन्दूधर्मावलम्बीहरु नलाग्ने हो भने नेपाल र नेपालीको पहिचान गुम्ने चेतावनी दिईन ।
0 comments
तपाईको प्रतिक्रिया फेसबूक कमेन्ट गर्नुहोस् अथवा यहाँ Click गर्नुहोस्
धेरै धेरै धन्यबाद छ हजुर लाइ यो पोस्ट पढी दिनु भएकोमा आगामी दिन मा आउदै गर्नु होला हजुर को पनि कथा कबिता मुक्कत छन् भने हामीलाई पठाउन नभुल्नु होला धन्यबाद म सबिता