बुद्ध एयरको जहाज हल्लिँदा तीनजना घाइते

१९ बैशाख, काठमाडौं । भैरहवाबाट काठमाडौंका लागि उडेको बुद्ध एयरको एटिआर ४२ जहाज हल्लिँदा तीन जना सामान्य घाइते भएका छन् । विहान ७ बजे भैरहवाबाट उडेको जहाज विचमा खराब मौसमका कारण हल्लिन पुगेपछि दुई जना एयर होस्टेज र एक जना प्यासेन्जर ठोक्किएर घाइते भएका हुन् । जहाज भने सुरक्षित रुपमा काठमाडौंमा अवतरण गरेको छ । घाइते भएका देवेन्द्र ध्वजु सामान्य उपचारपछि घर फर्किएका छन भने एयर होस्टेजहरुको अहिले सिनामंगलस्थित काठमाडौं मेडिकल कलेजमा उपचार भइरहेको छ । उनीहरुलाई सामान्य चोट लागेको उपचारमा संलग्न डाक्टरले बताएका छन् । जहाजले ३९ जना यात्र बोकेर उडेको थियो । अन्य यात्रुहरुलाई भने केही नभएको बताइएको छ । उडान भर्दा भैरहवा र काठमाडौंको वातावरण ठिक देखिएको भएपनि विचमा वातावरण खराब हुँदा जहाज हल्लिन पुगेको थियो -